ಸುರಭಿ ಮುದ್ರೆ

ಸುರಭಿ ಮುದ್ರೆ ಅಥವಾ ಗೋ ಮುದ್ರೆ (Surabhi Mudra)
ವಿವರಣೆ: ಈ ಮುದ್ರೆಯನ್ನು ಮಾಡಲು ಎರಡು ಹಸ್ತಗಳ ಬೆರಳುಗಳನ್ನು ಈ ಕೆಳಗಿನಂತೆ ಸಂಯೋಜಿಸಬೇಕು: ಎಡಗೈ ಕಿರುಬೆರಳು ಬಲಗೈ ಉಂಗುರದ ಬೆರಳನ್ನು ಹಾಗೂ ಬಲಗೈ ಕಿರುಬೆರಳು ಎಡಗೈ ಉಂಗುರದ ಬೆರಳನ್ನು ಸ್ಪರ್ಶಿಸಲಿ. ಅಂತೆಯೇ, ಎರಡೂ ಕೈಗಳ ಮಧ್ಯದ ಬೆರಳುಗಳು ಪರಸ್ಪರ ಇನ್ನೊಂದು ಕೈಯ ತೋರು ಬೆರಳುಗಳನ್ನು ತಾಗುವಂತೆ ಇರಲಿ. ಹೆಬ್ಬೆರಳುಗಳನ್ನು ಮಾತ್ರ ನೇರವಾಗಿ ಚಾಚಿರಬೇಕು. ನೋಡಲು ಈ ಭಂಗಿಯು ಹಸುವಿನ ನಾಲ್ಕು ಕೆಚ್ಚಲುಗಳ ಆಕೃತಿಯನ್ನು ಹೋಲುತ್ತದೆ.

ಅಭ್ಯಾಸ ಮತ್ತು ಪ್ರಯೋಜನಗಳು:
·ಈ ಮುದ್ರೆಯನ್ನು ಪ್ರತಿದಿನ ಕನಿಷ್ಠ 15 ನಿಮಿಷಗಳ ಕಾಲ ಅಭ್ಯಾಸ ಮಾಡುವುದು ಉತ್ತಮ. ವಿಶೇಷವಾಗಿ ಕೀಲು ನೋವು ಮತ್ತು ಸಂಧಿವಾತದಿಂದ ಬಳಲುತ್ತಿರುವವರಿಗೆ ಇದು ರಾಮಬಾಣದಂತೆ ಕೆಲಸ ಮಾಡುತ್ತದೆ. ದೀರ್ಘಕಾಲದ ಸಮಸ್ಯೆ ಇರುವವರು ಹೆಚ್ಚಿನ ಸಮಯ ಇದನ್ನು ಮಾಡಬೇಕು.
·ಕ್ರಮಬದ್ಧವಾದ ಸಾಧನೆಯಿಂದ ಧ್ಯಾನದ ಸ್ಥಿತಿಯಲ್ಲಿ ಉನ್ನತ ಮಟ್ಟದ ಆಧ್ಯಾತ್ಮಿಕ ಅನುಭವಗಳನ್ನು ಪಡೆಯಬಹುದು.
·ದೇಹದಲ್ಲಿನ ವಾತ, ಪಿತ್ತ ಮತ್ತು ಕಫ ಎಂಬ ತ್ರಿಜೋಷಗಳ ಸಮತೋಲನವನ್ನು ಕಾಪಾಡಿಕೊಳ್ಳಲು ಇದು ಸಹಕಾರಿ.
·ಧಾರ್ಮಿಕ ವಿಧಿಗಳಲ್ಲಿ, ಅದರಲ್ಲೂ ಮುಖ್ಯವಾಗಿ ಗಾಯತ್ರಿ ಮಂತ್ರವನ್ನು ಜಪಿಸುವಾಗ ಈ ಮುದ್ರೆಯನ್ನು ಪ್ರದರ್ಶಿಸಿದರೆ ಮಂತ್ರದ ಪ್ರಭಾವವು ಹತ್ತು ಪಟ್ಟು ಹೆಚ್ಚಾಗುತ್ತದೆ.
·ಇದು ಮನಸ್ಸಿಗೆ ನೆಮ್ಮದಿ ನೀಡುವುದಲ್ಲದೆ, ಮನುಷ್ಯನಲ್ಲಿ ಸೃಜನಶೀಲ ಶಕ್ತಿಯನ್ನು ವೃದ್ಧಿಸುತ್ತದೆ.