ಕುಂಡಲಿನೀ ಮುದ್ರೆ

ವಿವರಣೆ: ಮೊದಲಿಗೆ ನಿಮ್ಮ ಎರಡು ಕೈಗಳಿಂದ ಸಡಿಲವಾದ ಮುಷ್ಠಿಯನ್ನು ಕಟ್ಟಿಕೊಳ್ಳಿ. ನಂತರ ಎಡಗೈ ತೋರುಬೆರಳನ್ನು ಕೆಳಗಿನಿಂದ ಬಲಗೈ ಮುಷ್ಠಿಯ ಒಳಭಾಗಕ್ಕೆ ತೂರಿಸಿ. ಬಲಗೈ ಹೆಬ್ಬೆರಳನ್ನು ಎಡಗೈ ತೋರುಬೆರಳಿನ ತುದಿಯ ಮೇಲೆ ಒತ್ತಿ ಹಿಡಿಯಿರಿ. ಈ ಹಸ್ತ ಭಂಗಿಯನ್ನು ಹೊಟ್ಟೆಯ ಕೆಳಭಾಗದಲ್ಲಿ ನಿಮಗೆ ಸಾಧ್ಯವಾದಷ್ಟು ಕೆಳಕ್ಕೆ ಇರಿಸಿಕೊಳ್ಳಿ. ಪ್ರತಿ ದಿನ ಮೂರು ಬಾರಿ, ಕೆಲವು ನಿಮಿಷಗಳ ಕಾಲ ಈ ಮುದ್ರೆಯನ್ನು ಅಭ್ಯಾಸ ಮಾಡುವುದು ಸೂಕ್ತ. ಈ ಮುದ್ರೆಯು ಪ್ರಮುಖವಾಗಿ ನಮ್ಮಲ್ಲಿರುವ ಲೈಂಗಿಕ ಶಕ್ತಿಯನ್ನು ಜಾಗೃತಗೊಳಿಸಲು ಅಥವಾ ಅದನ್ನು ಕ್ರಿಯಾಶೀಲವಾಗಿ ಇರಿಸಲು ಸಹಕಾರಿಯಾಗಿದೆ.

ತತ್ವ ಮತ್ತು ಸಾಂಕೇತಿಕತೆ: ಇದು ಸ್ತ್ರೀ ಮತ್ತು ಪುರುಷ ಎಂಬ ಎರಡು ವಿರುದ್ಧ ಶಕ್ತಿಗಳ ಮಿಲನವನ್ನು ಸೂಚಿಸುತ್ತದೆ. ಅಷ್ಟೇ ಅಲ್ಲದೆ, ವೈಯಕ್ತಿಕ ಜೀವಾತ್ಮವು ಪರಮಾತ್ಮನಲ್ಲಿ ವಿಲೀನವಾಗುವುದನ್ನು ಇದು ಸಂಕೇತಿಸುತ್ತದೆ. ಇಲ್ಲಿ ಬಲಗೈ ನಾಲ್ಕು ಬೆರಳುಗಳು ನಮಗೆ ಕಾಣಿಸುವ ಈ ಹೊರಜಗತ್ತನ್ನು ಪ್ರತಿನಿಧಿಸಿದರೆ, ಎಡಗೈ ತೋರುಬೆರಳು ನಮ್ಮ ಮನಸ್ಸು ಮತ್ತು ಆತ್ಮಕ್ಕೆ ಸಂಕೇತವಾಗಿದೆ. ಹಾಗೆಯೇ, ಹೆಬ್ಬೆರಳು ದೈವತ್ವದ ಅಥವಾ ಪರಮಾತ್ಮನ ಸಂಕೇತವಾಗಿದೆ.